XI Congresso da Lusocom

O 30 de novembro é a data límite para o envío de propostas de comunicación.

O espazo lusófono de comunicación comparte a preocupación polo complexo equilibrio entre o mantemento da identidade sustentada na cultura e a necesaria integración nun espazo comunicativo global. Dende esta perspectiva a utilización da comunicación como ferramenta básica na construción identitaria ven sendo unha realidade nos distintos territorios lusófonos. Neste contexto a potenciación da “Marca Territorio” supón unha oportunidade de grande interese. Unha “Marca-Territorio” que debe ir máis aló do concepto “Marca país” - que se está difundindo dende unha perspectiva puramente marketiniana – e debe evitar a súa delimitación baseada en fronteiras xeográficas ou políticas.

O Lusocom 2014 serve como foro de debate para coñecer a realidade e a evolución desas “Marca-Territorio” concibidas dende moitas perspectivas e que, como calquera marca, se compón dunha misión, visión e valores concretos que poden ser xestionados dende a comunicación, sendo incluso posible medir o peso de cada un dos elementos que configuran esas “marcas”: identidade, cultura, medios, historia, lingua, comunicación…

Envío de propostas / Submissão de propostas de comunicação

Poderán ser remitidas propostas de comunicación para calquera dos grupos de traballo (GTs):

• Radio e televisión
• Xornalismo
• Publicidade
• Comunicación organizacional
• Socioloxía da comunicación
• Comunicación visual
• Redes sociais e cultura
• Historia dos medios
• Comunicación política e cultura
• Comunicación e educación
• Epistemoloxía da comunicación
• Semiótica
• Comunicación, arte e deseño
• Sociedade da información e políticas de comunicación
• Comunicación e respresentacións identitarias
• Estudos culturais

As propostas de comunicación deben respectar as seguintes orientacións:

• 1. A propostas teñen un límite mínimo de 150 palabras e non deben sobrepasar as 200 palabras.
• 2. As propostas deben ser presentadas co seguinte formato de texto:

- Tipo de letra Times New Roman tamaño 12.
- Espaciado entre liñas de 1,5 puntos.

• 3. O autor ou autora debe indicar o seu título profesional e a súa filiación institucional.

Datas importantes

• 30 de novembro: data límite para o envío de propostas de comunicación.
• 15 de xaneiro: notificación da aceptación de propostas de comunicación.
• 1 de marzo: data de entrega do texto definitivo para a súa publicación.

Tódalas propostas de comunicación deben ser enviadas á Secretaría do Congreso a través do e-mail: lusocom@uvigo.es 
Inscricións / Inscrições

• Ata o 20 de xaneiro: 150 euros (incluindo estudantes de doutoramento); estudantes de mestrado: 30 euros.
• Ata o 1 de marzo: 200 euros (incluindo estudantes de doutoramento); estudantes de mestrado: 50 euros.
• Despois do 1 de marzo: 250 euros (incluindo estudantes de doutoramento); estudantes de mestrado: 80 euros.

Lugar: FACULTADE DE CIENCIAS SOCIAIS E DA COMUNICACIÓN